5. ATALEKO SARRERA

Azkenean! Lortu dugu!!!!

   5 atal hau gure azkenengo lana izango da "irakas funtzioa" irakasgaian. Atal guztiak eginda, azken honetan gogotsu eki diogu lanari, irakasgaia ondo bukatzeko helburuarekin.

   Atal honen abiapuntua tutoretza eta orientazioa da eta gaia ondo ulertzeko hainbat  baliabide erabili ditugu.

   Lehenik eta behin, bi eskema multimedia egin ditugu bi dokumenturen (tutoretza plana eta orientabideak) ideia nagusiak azaltzeko. Are gehiago, eskemak ebaluatzeko errubrika bat egin dugu. 

  Ondoren, tutoretza egoera desberdinak asmatu ditugu, hauen parte hartzaileak eta helburuak argi utziz. Eskola batean tutoretzak eguneroko kontuak dira eta irakaslea zein parte hartzaileak modu egoki batean portatzea beharrezkoa izango da tutoretza horren helburua lortzeko. Kasu honetan ere errubrika bat planteatu dugu.

   Bestalde, tutoretza bat asmatu dugu eta bertan planteaturiko arazoari irtenbidea bilatzeko  tutoretza nola bideratu dugun azaldu eta ageri diren eragileek zein jokabide duten aztertu dugu. Kasu hau modu egokian dagoen ebaluatzeko, hau da, ulergarria den, partehartzaileen papera nolakoa den, arazoa konpondu den etab. ikusteko beste errubrika bat egin dugu.

  Bukatzeko, eta atalari amaiera emanez, autoebaluaketa bat egin dugu gure lanari nota orokorra jartzeko. Honetarako modu egokiena azken errubrika bat egitea litzateke, eta hori da egin duguna.

   Besterik gabe, espero dugu lauhiruhilabete hauetan gure Blog-a bisitatu duzuen guztiei bertan ageri den lana gustatu izatea, betiere gure ahalegin eta gogo guztiarekin egin dugulako.

  Beti bezala, iradokizun eta kritikak onartzen ditugu eta ongi etorriak dira eta gurekin harremanetan jarri nahi duenak irakasfuntzioahig@gmail.com -era mezu bat bidaltzea besterik ez du!

   Eskerrik asko denoi eta beste bat arte! Ongi izan!


                                                               Iker Artola, Gladys Fernandez eta Haizea Garcia

.

MAPA KONTZEPTUALAK

Atal honetako hainbat testu edota kontzeptu laburtzeko asmoz, hiru mapa kontzeptual egin ditugu:

Batetik, bi testuei dagokien bi eskemak:
- Tutoretza planaren inguruko laburpena eta orientabideei buruzko eskema

Bestalde, asmatutako tutoretzaren inguruko eskema egin dugu ere bai, eskematikoki tutoretzaren nondik norakoak hobeto ikus daitezen.
- Asmatutako tutoretzaren eskema

Espero dugu laburpen gisa eta ideia nagusien kontzeptu orokor bat izateko lagungarria izatea!

MAPA KONTZEPTUALAREN ERRUBRIKA

Indikatzaileak	BIKAIN (%100)	OSO ONDO (%70-80)	NAHIKOA (%50)	GUTXI (<%50)
Testuetan irakurritakoa ondo laburtu da	Ideia nagusienak agertzen dira, dena oso ondo laburtuz.	Nahiko ondo laburtuta dago,	Oso ideia gutxi aurkeztu dira eta testuan agertzen dena ez da oso ondo laburtzen	Eskema irakurriz gero, ez dira testuaren ideia nagusienak ulertzen
Eskema ulergarria da	Eskema oso ondo ulertzen da	Eskemaren gehiengoa nahiko argi ulertzen da	Zailtasunak daude eskema era argian ulertzeko	Eskema ez da batere ulertzen
Ideia nagusiak ondo antolatuta eta aurkeztuta daude	Ideia guztiak koherentzia dute eta antolaketa egokia dute	Ideiak ondo aurkeztuta baina aspektu gutxi batzuk falta dira	Ideia nagusi batzuk falta dira eta antolaketa nahiko eskasa da	Ez dago ez antolaketarik ez ideia garrantzitsuenen aurkezpenik
Oro har eskemak itxura ona du	Begi bistaz eskemaren itxura oso erakargarria da	Eskemak nahiko itxura ona du baina hobetu daiteke	Eskemaren itxura sinple eta eskasa da	Eskemaren itxura oso sinplea da eta gainera nahiko nahastua dagoela dirudi
Formato aldetik, argazkiak eta bideoak ageri dira, eskemari itxura hobea emanez.	Argazki eta bideo ugari ageri dira eta informazio gehigarri gisa balio dute	Nahiko argazki ageri dira, bideoren batekin.	Hiruzpalau argazki daude eta bideorik ez	Ez da inongo argazki zein bideorik ageri.
Lagungarria da gaiari buruzko ideia orokorra izateko	Bai, oso lagungarria da, oso konpletoa baita	Lagungarria da, funtsezko ideiak baititu	Aspektu jakin batzuetan bakarrik da lagungarria	Ez da batere lagungarria, nahiago dut testu osoa irakurri

ASMATUTAKO TUTORETZA

KASUA:

    Helburua:  ikasleak hiyab-a eramateagatik  kentzera behartzen du eta gurasoak arazo hori konpontzeko asmoz, tutoretza bat eskatzen dute. 


    Parte hartzaileak:  ikaslea, tutorea eta bere ama.

    Tutoretza nola bideratu: 

        Lehenik eta behin, gurasoak eta ikasleak bilduko gara. Arazoa planteatuko dugu; eskolak ipintzen dituen arauak denentzat berdinak izan behar direla argi utziz.

Horregatik, hiyab-a eta ikur erlijioso guztiak debekatu behar direnaren alde gaude. Klaseetan kultur ezberdinak elkarbizitzen dira baina denok eskolaren kulturara moldatu behar dira. 

   Gurasoen jarrera:  ez dio inori kalterik egiten beste pertsona batek hiyab-a eramatea, haien erlijio eta kulturaren ikurra baita eta errespetua merezi duelako.

Ikaslearen jarrera: ez du ulertzen bere gelako ikaskideek txanoak, zapiak, kate erlijiosoak, palestinoak etab. eraman ahal izatea eta berak, aldiz, ilea eta belarrik ezin estaltzea.

   Gaia eztabaidatu ondoren, konponbide edo akordio batera heltzen gara: ikur eta zeinu guztiak desagertzeko kargua hartzen dugu irakasle bezala, eta horrela, klaseko edozein ikasleri txanoa, zapia edo adierazgarriak diren elementuak kentzeko behartuko zaie. 

   Ondorioz, hiyab-a ere ezingo da eraman klase orduan baina ama konforme geratu da besteei berdina exijituko zaiela ikusita eta bere alabaren eskubide berak dituztelako.

Horrela, bai guraso, ikasle zein irakaslea adostasun batera heldu gara eta irakasle bezala uste dugu denok ikasgelan ikur zein apaingarri adierazgarririk gabe egoteak denok eskubide berean gaudela esan nahiko duela eta ondorioz ez direla kontu horren inguruko liskarrik egongo. Gainera, aspektu horretan ez da ezberdintasunik egongo, guztiok izango baitute ikur horiek kentzeko betebeharra. 
Ezin dugu ahaztu beste kultura bateko pertsona izan arren errespetua merezi duela; nahiz eta hiyab-a kendu behar duen, bere jatorria errespetatu beharra daukagu guztiok eta bere erlijio zein kultura ikasgelan ezagutaraztea garrantzitsua ikusten dugu irakasle bezala. Gainera, hiyab-aren kontuan eskubide bera duelaz aparte, beste aspektu guztietan ere eskubide berak izan behar dituela ohartarazi behar dugu ikasle etorkina. 

Azkenik, gurasoei jakinarazi behar diegu edozertarako laguntza eskaintzeko prest gaudela.

ASMATUTAKO TUTORETZAREN ERRUBRIKA

Indikatzaileak	BIKAIN (%100)	OSO ONDO (% 70-80)	NAHIKO (%50)	GUTXI (<%50)
Adostasun batera heldu da?	Parte hartzaileak hartutako erabakiarekin erabat ados egotea	Denok ados baina iradokizun batzuk suertatuz	Eztabaida latz baten ondoren akordio batera heldu da baina ez da guztiontzat egokiena	Eztabaida oso gogorra izan da eta azkenean ez da akordio batera heldu. Lehengo egoera bera
Parte hartzaileak gustura egon dira?	Guztiok gustora	Gehienok gustora	Gutxi batzuk gustora	Inor ere ez da gustora egon
Helburu nagusia bete da?	Bai bete da	Neurri batean bete da	Minimo batzuk bete dira	Ez da helburua bete
Parte-hartzaileei entzun	Entzun eta iritziak errespetatu	Entzun baina iritzi batzuei kontra egin	Iritzi minimo batzuk errespetatu	Batere ados ez egon eta ez entzun, bakarrik irakasleak hitz egin.
Denbora aldetik zer moduz?	Ordu bat	Ordu erdi baino gehiago	Ordu laurden- ordu erdi	5 minutu edo 3 ordu
Kultura desberdinak errespetatzen dira?	Denok errespetatzen ditugu	Oro har errespetatzen dira.	Ez da behar beste errespetatzen.	Ez dira batere errespetatzen.
Denok eskubide berak  ditugu?	Denok eskubide berean gaude	Gehienok eskubide beran	Gutxi batzuk eskubide beran	Oso gutxi edo inor ere ez dauka eskubiderik.
Ikasleen artean ezberdintasunik ez egotea	Ez dago inolako ezberdintasunik	Desberdintasunak egotekotan ez da oso adierazgarria	Desberdintasun batzuk badaude.	Desberdintasun ugari ageri dira.

ASMATUTAKO TUTORETZA EGOERAK

Helburuak edo tutoretzaren arrazoiak	Parte hartzaileak
Irakasleak ikasleari mobila kendu eta ikasleak jo egiten du irakaslea mugikorra itzul dezan.	Ikaslea/irakaslea/zuzendaria/ikasketa burua
Eskola ordutegi barruan ikasle talde batek eskola kanpoko kontenedoreak erre dituztelako eta, gainera, handik pasatzen ziren ertzaina batzuk harrapatu dituzte.	Ikasle taldea/tutorea/ertzainak
Ikasle batek 5 urteko umea jo duelako.	Tutorea/ikaslea/ikaslearen gurasoak/5 urteko umea/5 urteko umearen gurasoak
Egunero arreta ez prestatzea klasean, baita egin beharrekoak ez egitea ere.	Tutorea/ikaslea/gurasoak
Klase orduetan ikastetxe kanpoan porroak erretzeagatik ikasle talde bati.	Tutorea/gurasoak eta behar baldin bada ikaslea
Leiho bat apurtzeagatik arazoa konpontzen saiatzea eta nola gertatu den jakitea.	Ikaslea/tutorea/zuzendaria/ eta ikasle lekukoa
Liburutegiko liburu bat lapurtzeagatik tutoretzara deitu	Tutorea/ikaslea/liburutegiko arduraduna
Ikasle-irakasle artean liskarra egon ondoren, ikasleak arkatz bat bota dio irakasleari eta begian eman dio	Ikaslea/tutorea/gurasoak
Kotxeko gurpilak ziztatzeagatik.	Ikaslea/tutorea/irakaslea(kotxeko jabea)
Pintadak egin dituelako ikasle batek.	Ikaslea/tutorea/zuzendaria
Ikasle batek sagarrak leihotik botatzeagatik.	Ikaslea/ikusi duen irakaslea/tutorea
Ikasle batek irakaslearen eserlekuan txintxeta bat ipintzeagatik.	Ikaslea/irakaslea
Eskiatzeko 2 eguneko irteera bat egindakoan, ikasle talde batzuk eraikinean zegoen etxe batera sartu dira lapurtzeko asmoz eta bertako jaunak harrapatu ditu, poliziari deituz.	Ikasleak/tutorea/etxeko jabea eta polizia
Nota txarrak ateratzen dituen ikasle batek bat-batean ikasgai batean bi azterketetan 10 bat ateratzen du eta zoriondu eta animoak emateko asmos tutoretzara deitzen zaio ikasleari.	Ikaslea/tutorea
Ikasle bat txuletarekin harrapatzen dute.	Tutorea/ikaslea
Eskola orduetan beste ikasle baten bizikleta lapurtu.	Tutorea/gurasoak/irakaslea/bizikletaren jabea den ikaslea
Egunero hamar minutu berandu iritsi klasera.	Tutorea/ikaslea
Klase guztiak ez du portaera egokirik musikako klasean.	Tutorea/klase guztia/musikako irakaslea
Bi ikasle jo egin dira klase barruan.	Ikasleak/irakaslea/zuzendaria (arazoa larria bada)
Ikasle batek irakasle bati jotzen dio eta honek ostikoa itzultzen dio.	Irakaslea/zuzendaria/ikaslea/ APAko ordezkaria

TUTORETZA KASU UGARIEN INGURUKO ERRUBRIKA

Indikatzaileak	BIKAIN  (%100)	OSO ONDO (%70-80)	NAHIKOA (%50)	GUTXI (<%50)
Kasuen helburuak eta parte hartzaileak originalak dira	Oso kasu pentsatuak eta ondo planteatuak aurkeztu dira	Kasuak nahiko originalak dira, nahiz kasu batzuetan originaltasun kutsu bat falta den	Eguneroko bizitzan gerta daitezkeen kasuak dira	Ez da batere pentsatu eta gaian  ez da interesik jarri
Aurkeztutako tutoretzek zentzua dute, bizitza errealean suertatu daitezke	Bai, ez dira kasu arraro eta irrealak planteatzen	Egoera gehienak, normalean gertatu ohi diren kasuak dira	Nahiko ezohikoak diren kasu batzuk planteatzen dira	Aurkeztuta kasu guztiak ez dute zentzurik eta ezin dira eguneroko bizitzan gertatu
Formatua ona da itxura aldetik	Bai, erakargarria izateko tresnak erabili dira	Begi bistaz itxura ona dauka	Formatua nahiko eskasa da eta hobetu daiteke	Testuak lehenengo bistan nahiko itxura txarra du
Helburuak zein partehartzaileak zeintzuk eta nortzuk diren argi ikusten da	Ez dago inongo arazorik elementu nagusiak bereizteko	Nahiko ondo desberdintzen dira helburuak eta parte hartzaileak	Nahiko eskas desberdintzen dira helburuak zein parte hartzaileak	Ezin da bereiztu elementuen artean, kontzeptu guztiak oso nahastuta daude

5. ATALAREN AUTOEBALUAZIOA NOTA

USTE DUGU EGIN DUGUN AZKEN ATAL HONETAN 7 BAT MEREZI DUGULA. LANA OROKORREAN ONDO DAGOELA ESAN DAITEKE, ONDO EGITEN SAIATU GARA BEHINTZAT.

HONA HEMEN LAN HONEN AUTOEBALUAZIORAKO GARRANTZITSUAK  IRUDITZEN ZAIZKIGUN ASPEKTUEN ERRUBRIKA, GURE NOTA FINALA JARTZEKO KONTUAN HARTU  DITUGUNAK.

5. ATALAREN AUTOEBALUAZIOA

Indikatzaileak	BIKAIN %100	OSO ONGI % 70-80	NAHIKO %50	GUTXI > % 50
Tutoretza eta orientabidea zer diren badakigu?	Egindako lanarekin oso erraza da kontzeptu hauek zer diren jakitea.	Egindako lanarekin nahiko erraza da jakitea.	Kosta egiten da kontzeptu hauek zer diren jakitea.	Oso zaila edo ezinezkoa da.
Bi dokumentuak ongi al daude laburtuta?	Bai. Oso ongi daude laburtuta eta ideia nagusiak ageri dira.	Bai. Ageri denarekin ulertu daiteke testuak dioena.	Nahiko eskas dago eskema, zailtasunak daude ulertzeko.	Ezin da dokumentuetan ageri denaren ideia orokor bat egin.
Garatutako tutoretzak eta asmatutakoak errealitatean gerta daitezkeenak dira?	Bai. Ikasgelako egoera garbienak izan daitezke. Normalean ageri direnak.	Bai. Egoera hauek ikasgelan gerta daitezke, baina baliteke batzuk irrealak izatea.	Bai. Baina tutoretza ez da behar bezala garatu.	Ez. Tutoretza egoera hauek ez dute eskola bateko errealitatea islatzen.
Lanaren helburua bete da? (etorkizunean tutoretza bat prestatzeko gai  gara?)	Bai. Argi ikusten da gaia ulertzen dela eta posible izango da etorkizunean tutoretza bat kudeatzeko.	Bai. Helburua betea dago, baina posible da laguntza behar izatea tutoretza bat egiteko.	Zailtasunak daude, nahiz eta helburua bete,etorkizunean tutoretza bat egiteko.	Ezinezkoa da helburua betetzea egindako lanarekin.